Lèw
gen yon maling ou pa swaye l, li ka kangrenen, ou ka oblije koupe manm lan.
Dlo se la vi. Anvironman gen anpil pou
li wè ak lonjevite la vi.
Ou gueri yon malad lèw konnen ki maladi
li ye, se pa lèw kache’l anba dra.
Anvironman pa sèlman trou dlo, ak fatra,
ki ap kale tout move ensek, ki ap ban nou tout vye maladi, li se tou jèn nou yo
ki lage san ankadreman enstitisyonèl, ki ap fè jan yo konnen pou yo siviv.
Yon chen atake lè li nan sitiasyon ke li
santi li an danje ou byen mèt li an
danje.
Leta aprè leta yo pa janm gen yon
politik janm sou kreasyon anploi, se mode lague, tandike, kesyon kreasyon
travay la, se yon faktè esansyèl nan devlopman e stabilizasyon politik e yon
zouti kont ensekirite.
Sektè bankè nan tout peyi, se motè
devlopman, fok leta defini ak yo kondwit prè yo, pou nou ka konstwi ekonomi
lakay.
Sektè ekonomik ayisyen an, li degaje yon
profil anti patriotik e nasyonalis.
Sistèm bankè a, entèrè li baw pou yon ti
lajan pou demare yon komès, se yon ponya li ye, se komès pa l, li baw jere, ti
profi ou fè a piti ou paka panse devlope aktivite l la, ou tounen yon travayè
pou sistèm nan.
Revolisyon nou ap tan’n nan, pou peyi a demare, chita nan yon vizyon
patriotik e nasyonalis ke sekte ekonomik lan dwe devlope, ak tout antreprenè.
FOK SA CHANJE
Fok li chanje sistèm travayè a, an kolaboratè,
konsa lap ouvri sou yon ekonomi modèn va gen plis moun ki ka rantre nan kektè
ekonomik lan e kreye anploi.
Leta dwe fixe pousantaj yon komèsan dwe
fè sou chak prodwi e mete moyen pou yo respekte lòd etabli, konsa plis moun nan
sosiete a, ka gen aksè a plis prodwi.
Fok nou vanse vè yon sosiete omojèn, gen
tròp diferans.
Nan pwen diferans sa rive a, se detwi sosiete
a. Chen grangou, pa jwe.
Lajan leta nan banbòch, pandan
popilasyon an ap mouri grangou, leta dwe yon bon papa. Fok sa jere.
Konstriksyon yon peyi li pase nan respè
enstitisyon, lakay se gagòt, ou debòch demokratik.
Debòch demokratik = anachi
Anachi a, se sa nou ap viv la’a, jounen
jodia a.
Leta ayisyen dwe kontrole sosiete a, si
non nou ap toujou genyen yon sosiete mafya. Tout je fèmen sou provnans richès,
e pi mal yo respekte’w paske ou gen lajan, yo pa gen respè pou onèt sitoyen..
Yon sosiete an dekadans.
Ki profil sosiete nou jodia a?
Yon nasyon ki sou dikta. Yon jenès ki pa
gen idantite. Yon kilti ki anba pye pitit tè a?
An nou reflechi ansan, pou nou ka byen
avanse
