Mwen akize
Mwen akize tout
selil ki konstitiye Jistis peyi m.
Mwen rann nou
koupap tout debandad, ki ap pase nan sosiete a, pouvwa jidisyè ke nou ye.
Egzekitif la
gen wòl pal, palmantè yo gen wòl pa yo, ou menm tou jidisyè a, ou gen wòl paw.
Se nou twa ki fè yon fòs ki dwe fè sosiete a viv byen.
Yo toujou ap
lonje dwèt sou egzekitif, yo toujou ap lonje dwèt sou palmantè, men yo kite sou
ban’an sektè enpotan’an, ki dwe asire vi trankil e amonye nan sosiete a, ki se
wòl sektè jistis la.
Sektè jistis
andikape sosiete a, li pa janm pran travay li o serye, kòm si li pa konnen ke se
li ki dwe bay sekirite nan la vi chak grenn sitwayen e veye ke tout ayisyen
respekte manman lwa peyi a.
Si egzekitif
la ka ap fè lobèy, si palmantè ap fè lobèy se koz sektè jistis la. Gen twa
pouvwa nan peyi a, chak gen responsabilite pa yo.
Mwayen
fonksyonman pa vini wè ak anyen, lè yon
moun fè antòs ak la lwa pou li pa sanksyone, kelke swa moun li ye.
Nou pa ka di nou
ap travay pou nou bati yon Eta de Dwa, lè moun ki garan pouvwa sa’a ki se bay yon
bon anvironman pezib sanble y opa rekonèt
responsabilite yo.
Wòl jistis la
se proteje sosiete a, e pou sa li dwe veye ke lwa peyi a respekte nan tout
domèn san pèsonn pa egzan. Lwa se pou tout moun li ye.
Jodia nou gen
yon ansyen prezidan ki ap fè kanpay e slogan li se dechougaj a kote yon marionèt,
lap ensite moun ale dechouke.
Nou tout
konnen ki sa sa vle di. Nou viv zak teryorist sa yo déjà, nou pa enterese reviv
yo. Map mande Sektè jistis la, ki sa li
ap tann pou li aplike sa’a lwa di sou sa?
Siw paka
kapab fè travay ou, fè yon deklarasyon piblik nan radio ak tele e mande
popilasyon an, pran mezi pou li pwoteje tèt li, paske ou pa an mezi pou sa’a
Se swa nou se
fonksyonè ki reponn ak responsabilite nou e aplike règ ki fè nou obligasyon pou
kenbe stabilite sosiete a, ou byen nou bay demisyon nou, si responsabilite sa’a depase nou.
Nou mande pou
sektè jistis la bay yon repons klè ak
deriv sa yo. Nou pat konnen boule, rache touye, dechouke nan sosiete nou
an, nou te yon sosiete pezib, avan arive LAVALAS
Se pou tout
rezon sa yo, nou akize sektè jistis la, ki twò lontan deresponsabilizel de
responsabilite’l pou nou fè yo konprann
twòp se twòp.
Pa gen
jenosid ankò, pa gen pè Lebrun, ni Evèk Lebrun ankò, nou vle yon sosiete kote
tout moun ka viv trankil.
Fè TRAVAY NOU.
https://www.youtube.com/watch?time_continue=9&v=0hnQN_r5FGg
