Mwen akize tout selil, ki konstitiye Jistis peyi m
Mwen akize Mwen akize tout selil ki konstitiye Jistis peyi m. Mwen rann nou koupap tout debandad, ki ap pase nan sosiete a, pouvwa jidisyè ke nou ye. Egzekitif la gen wòl pal, palmantè yo gen wòl pa yo, ou menm tou jidisyè a, ou gen wòl paw. Se nou twa ki fè yon fòs ki dwe fè sosiete a viv byen. Yo toujou ap lonje dwèt sou egzekitif, yo toujou ap lonje dwèt sou palmantè, men yo kite sou ban’an sektè enpotan’an, ki dwe asire vi trankil e amonye nan sosiete a, ki se wòl sektè jistis la. Sektè jistis andikape sosiete a, li pa janm pran travay li o serye, kòm si li pa konnen ke se li ki dwe bay sekirite nan la vi chak grenn sitwayen e veye ke tout ayisyen respekte manman lwa peyi a. Si egzekitif la ka ap fè lobèy, si palmantè ap fè lobèy se koz sektè jistis la. Gen twa pouvwa nan peyi a, chak gen responsabilite pa yo. Mwayen fonksyonman pa vini wè ak anyen, lè yon moun fè antòs ak la lwa pou li pa sanksyone, kelke swa moun li ye. Nou pa ka di nou ap travay p...