Ayiti pap peri

Nou felisite sitwayen Jocelerme Privert, preszidan provizwa peyi Dayiti,  pou patisipasyon'l e reisit li nan kous prezidans provizwa.

Nou profite remèsyel pou tout jèfò li ap fè,  pou li sove nasyon’an de gro katastròf sa’a, ki pandye sou tè peyi Dayiti.

Prezidan Jocelerme Privert, responsabilitew anpil nan moman miltitid kriz sa yo, ki ap travèse sosiete a e  ki pran tout kalite koulè. Kom ou te di-l  nan diskouw nan mitan palemantè yo, ou gen esperians politik nan Leta e nan administrasyon piblik.

Prezidan Jocelerme Privert Jodia a, nou pa nan rejwisans e ou se premye sitwayen. ki konnen sa, paske destine peyi nou, Ayiti, li nan menmw. Nou nan yon kafou eksesivman difisil, kote strikti yo dechire,  kaziman e tout sektè nan vi nasyonal la, ap fè pase revandikasyon yo, tout moun ap tann yon mirak men mirak la se inyon sosiete a li ye.

Divizyon rann nou avèg  epi yon epe Damoclès,  pandye sou tèt chak grenn pitit tè a devan frajilite souvèrènte peyi nou, Ayiti.

Nou nan yon gwo tanpè, nan kafou listwa peyi nou. Bondye fè chwa de ou,  sitwayen Jocelerme Privert, pou mennen peyi nou an, a bò.

Solda Ayiti ayiti solda, salye kouraj ou,  bon solda Ayiti.

Nou remèsye lòt de kandida yo ki te repon ak yon si gran apèl patriotik, Senatè Edgard Leblanc Fils ak Senatè Dejean Belizaire.

Nou gen yon peyi pou nou sove e se nan moman difisil ou rekonèt  vrè lidè yo.

Nou sèten se pat yon desizyon ki te fasil,  vi, konjokti peyi a, paske kriz la soti pou li derasine tout sa nou posede kòm vale de pèp ke nou ye.

Jodia a,  li pap fasil nan chire pit sa’a pou yon konprann dimansyon sakrifis ke ou te aksepte fè o nom de nasyonw, peyiw, Ayiti.

O nom de tout Solda Ayiti Ayiti solda, aksepte remèsiman pou koken sakrifis ou fè jodia a pou Ayiti ka jwen wout li byen vit, pou li pa tonbe nan deriv, ke nou yon pa swete.

Ke Bondye guidew, Prezidan Jocelerme Privert e chak mo e aksyon ke o va gen pou prononse ou poze, o nom de nasyon’an,  li va enspire pa gran mèt la. Ayiti dabò

Viv nasyon ayisyenn

Viv pèp ayisyen

Ansanm ansanm pou yon lòt Ayiti

Nyrvah Florens Bruno,

Koodonatè jeneral mouvman nasyonal

Solda Ayiti Ayiti Solda

www.soldayiti.blogspot.com

    

https://web.facebook.com/photo.php?fbid=10206857599853419&set=a.1498063126423.2070690.1079471644&type=3&theater&notif_t=like